મોતની ય બાદ તારી ઝંખના
મોતની ય બાદ તારી ઝંખના કરતો રહ્યો
કે તું જન્નતમાં મળે એવી દુઆ કરતો રહ્યો
જો તું જાણે તો ભરી મહેફિલ તજીને સાથ દે
એવી એકલતાભરી મારી દશા કરતો રહ્યો
એ હતો એક મોહ કે રહેશું જીવનભર સાથમાં
પ્રેમ તો એ છે જે આપણને જુદા કરતો રહ્યો
મેં બુરા ખ્યાલો ય રાખ્યા, ને અમલ પણ ના કર્યો
પાપની ને પુણ્યની ભેગી મજા કરતો રહ્યો
ક્યાં અનુભવ જિંદગીના, ક્યાં કવિતાનો નશો
ઝેર જે મળતું ગયું, એની સુરા કરતો રહ્યો
ન્યાય પણ ‘બેફામ’ આ પાપી યુગે અવળો કર્યો
પુણ્ય મેં જે જે કર્યાં એની સજા કરતો રહ્યો
-બરકત વિરાણી ‘બેફામ’
No comments:
Post a Comment