એ બાળપણ માં જીવી લેવાનું મન થાય છે ….

વળી ,આજ છબછબીયા કરવાનું મન થાય છે ,
જંજટ પળોજણો થી ભાગી જવાનું મન થાય છે ,
અધૂરા કિસ્સા ઓ પુરા કરવાનું મન થાય છે,
ફરી એ બાળપણ જીવી લેવાનું મન થાય છે .

જીવન ને ભરતી થી ઓટ માં લઇ જવાનું મન થાય છે,
દુખો ને દુર કરી ખુશીયો માં આળોટવાનું મન થાય છે,
કડવાટ બધી ખંખેરી, મીઠાશ ઘોળવાનું મન થાય છે ,
ફરી એ બાળપણ જીવી લેવાનું મન થાય છે .

એ મીઠી પળો યાદ કરી જીવી લેવાનું મન થાય છે ,
ફરી ફ્લેશ બેક માં જઈ ચડવાનું મન થાય છે ,
વળી,ખાબોચિયા માં હોડી તરાવવાનું નું મન થાય છે
ફરી એ બાળપણ જીવી લેવાનું મન થાય છે .

રેતી ના ઢગલા માં ફરી છીપલાં શોધવાનું મન થાય છે ,
વળી , ચોકલેટ માટે જીદ કરી રડવાનું મન થાય છે,
કીટ્ટા ને બુચ્ચા વળી રમત રમવાનું મન થાય છે ,
ફરી એ બાળપણ જીવી લેવાનું મન થાય છે .

નથી જોઈતું પાછુ છતા ‘કૃતિ’ ને એ બાળપણ માં જીવી લેવાનું મન થાય છે ..